بحبك

زى ما نسايم ربيع عمرك
تميل لاجل ما تبوس
الندى النايم
فحضن الورد
والسما الصافية الجميلة
اللى فوق شعرك
بتبعت ليكى
وتقولك ما زيك حد
والقمر راجع
ليلك يشاور من بعيد
بألف شعاع ينورلك
طريق عمرك
ويجرى فى الفضا
ويمد
زى موج البحر ما يعدى
ويرمى قدامك
مايتة الحلوة
عشان تروى عطش يومك
وتسقى الخد
بحبك
اد الاف العيون اللى تحاول
تخطف منك النظرة الجميلة
من عيونك
ما تلاقى منك رد
بحبك زى ما يحب العبير
انة يبات فى زهرة
تديلة حنانها
وتضلل على ريحتة الجميلة
وتحضنة خايفة علية
م الشتا والبرد
بحبك
انت عارفة بس مش عارفة
ان حبك اغلى من روحى
وسنين عمرى
ومش عارفة انة حب بجد
بحبك
وبتمنى وعارف بالفروق
اللى ما بينا
وحاسس ان قلبك عند غيرى
وراضى ومن قلبى بقولك
تانى
سعادتى من سعادتك
ويمكن نلتقى
امبارح وبكرة او فى الغد
شعر/خالد محمد فاضل